Harrera • Zerbitzuak • Formakuntza profesionala • Euskara egonkortu: Gure Ongi Etorri kita

Euskara egonkortu: Gure Ongi Etorri kita

Iraupena

21 oren

Euskararen erabilera harrera-egoeretan egonkortzea eta Ongi Etorri kit batean barneratzea

Harrera-egoeretan euskararen erabilera errexteko, egituraren eta bere publikoen beharrei begiratzea da abiapuntua. Ibilbide honetan, publikoen ezaugarriak eta beharrak aztertuko dira, harrera-egoeretan sortzen diren desafioak identifikatuko dira eta Ongi Etorri kita elkarrekin eraikiko da.
Azkenik, kita egituraren funtzionamenduan barneratzeko antolaketa- eta erabaki-espazioak zehaztuko dira.

QUALIOPItik bideragarria

Zer

Harrera-egoeretan euskararen erabileraren abiapuntua eta desafioen aztertzea.
Harreran parte hartzen duten publikoen urratsak eta beharrak identifikatzea.
Euskaraz ez dakitenekin, ikasten ari direnekin eta euskaldunekin euskararen erabilera errazteko baliabideak lantzea.
Harrera-egoerentzat Ongi Etorri kit bat kolektiboki diseinatu eta osatzea.

Nori

Egitura profesional edo kolektiboetako langile, arduradun eta boluntario euskaldun, ikastun eta frantsesdunei.
Arduradunen presentzia biziki gomendatzen da, kita egituran errotzeko.
6-12 pertsonako taldeak.

Nola

Metodologia inklusiboa eta progresiboa, talde-kohesioa sustatzen duena.
Lehen bertsio batetik abiatuta, kita kolektiboki zuzendu, zehaztu eta osatzea.
Azken bertsioa taldean aurkeztu, eztabaidatu eta balidatzea.
Kita egituraren eguneroko funtzionamenduan eta harrera-egoeretan nola instalatu eta eguneratuko den definitzea.