Harrera • Zerbitzuak • Formakuntza profesionala • Euskara egonkortu: Gure euskara xarta

Euskara egonkortu: Gure euskara xarta

Iraupena

17,5 oren

Euskararen ahozko erabilera egituran molde iraunkorrean bermatzea

Euskararen ahozko erabilera egituraren eguneroko funtzionamenduan iraunkorki sustatzeko, garrantzitsua da egoera eta beharrak aztertzea, eta taldean adostu norabide bat definitzea.

Ibilbide honek egituraren ahozko erabilera aztertzeko eta euskararen xarta taldean eraikitzeko aukera ematen du. Xartak egituraren beharretara egokitu engaiamendu eta praktika zehatzak biltzen ditu, eta euskararen erabilera errexteko zein iraunkortzeko behar diren antolaketa- eta erabaki-eremuak identifikatzen laguntzen du.

QUALIOPItik bideragarria

Zer

Egituran euskararen ahozko erabileraren egoera eta beharrak aztertzea.
Euskararen ahozko erabilera sustatzeko xarta partekatu bat elkarrekin eraikitzea.
Xartan bilduko diren urrats eta praktika zehatzak definitzea, euskararen erabilera iraunkorra bermatzeko.
Xarta egituraren funtzionamenduan barneratzeko behar diren antolaketa- eta erabaki-eremuak identifikatzea.

Nori

Egitura profesional edo kolektiboetako langile, arduradun, boluntario euskaldun, ikastun eta frantsesdunei zuzendua.
Arduradunen parte-hartzea biziki gomendatzen da, xarta egituran errotzeko.
6-12 pertsonako taldeak.

Nola

Metodologia inklusiboa eta progresiboa, talde-kohesioa sustatzen duena.
Egitura bakoitzaren errealitate eta beharretatik abiatu lanketa jarraitua.
Xartaren lehen bertsioa taldean eraiki, hobetu eta egituraren funtzionamenduan barneratzeko modua definitzea.
Azken xarta taldean aurkeztu, eztabaidatu eta balidatzea.